Новиот VW Touareg ќе пристигне во април 2018-та

По осум години, како што мина од лансирањето на актуелната верзија, „Volkswagen“ ќе ја претстави новата генерација на својот голем „SUV“ модел.

Актуелниот „Touareg“ е претставен уште во 2010-та, а покрај редизајнот во 2014-та, започна да покажува знаци на старост.

Според одредени медиуми, новиот „Touareg“ ќе има светска премиера на саемот за автомобили во Пекинг во април 2018-та. Се очекува дека тој ќе биде малку поголем од претходникот, а според дизајнот ќе потсетува на „T-Prime Concept GTE“ кој беше претставен исто така на авто-саемот во Пекинг, но во 2016-та година.

Новиот „Touareg“ воедно ќе биде и последниот заснован модел на „MLB Evo“ механичката платформа, која ја користат актуелните „Audi Q7“ и „Porsche Cayenne“, но и „Bentley Bentayga“ и „Lamborghini Urus“.