Американски технолошки медиумски компании „Comcast Corp.“ и „Verizon Communications Inc.“ се заинтересирани да стекнат голем дел од „21st Century Fox Inc.“, откако разговорите за продажба на филмските и телевизиските бизниси на „Walt Disney Co.“ се „изладија“, објави „Bloomberg“, цитирајќи извори запознаени со ова прашање.
„Comcast“, сопственикот на телевизиски мрежи како „NBC“ и „Universal Pictures“, се сврте кон медиумската група на Руперт Мордок, односно за средствата, велат анонимните извори. „Verizon“, најголемиот светски мобилен оператор, е заинтересиран за истиот бизнис, велат две лица. Акциите на „Fox“ се зголемија за 5,2 отсто на крајот од тргувањето во четвртокот, откако „CNBC“ и „Wall Street Journal“ ја објавија оваа информација.
„Disney“ сакала да стекне удел во европскиот оператор на сателитска телевизија „Sky Plc“, кабелските мрежи „National Geographic“, „FX“ и „Star India“, како и филмското и телевизиското студио „20th Century Fox“, велат уште извори запознаени со прашањето. „Comcast“ исто така е заинтересиран за регионалните спортски мрежи на „Fox“, вели друг извор.
Зделката меѓу „Comcast“ и „Fox“ ќе го промени радикално медиумскиот пејзаж, консолидирањето на некои од најголемите забавни активи во светот и поставувајќи две од шесте големи холивудски студија под еден покрив. Експанзијата на онлајн конкурентите, како „Netflix“ и „YouTube“, го забавува растот на платената телевизија, а „Comcast“, најголемиот снабдувач на кабелска телевизија во САД, додава филмски и телевизиски активи за да се осигура дека ќе има удел во програмирањето и ширењето.
Договорот со „Fox“ ќе го стави „Verizon“ на долгорочна основа во бизнисот за забава, каде што ривалот „AT & T Inc.“ исто така се обидува да инвестира преку купување на конкурентот на „Fox“, „Time Warner Inc.“.
Зделката на „AT & T“ очекува одобрение од американското Министерство за правда, но вработени од одделот за антимонополска политика се загрижени за консолидацијата во медиумската индустрија – проблеми кои може да се одразат и на потенцијалната зделка со „Fox“. Главната работа на „AT & T“ во понудата на мобилната телефонија и интернетот со голема брзина веќе почна да покажува негативни сигнали за раст. Во меѓувреме, компанијата се преориентира на медиумскиот пазар по купувањето на „DirecTV“, сателитски ТВ провајдер за 48,5 милијарди долари во 2015-та година.
„Fox“, исто така, очекува одобрување во Велика Британија да се здобие со целосна контрола над „Sky“, договор што во моментов го имаат регулаторите. Лахлан Мардок, извршен претседател на „Fox“, изјави на годишната средба на акционерите дека очекува договорот ќе биде завршен до средината на 2018-та година.
„Fox“ може да му даде на „Comcast“, чиј бизнис сеуште е високо концентриран во САД, пристап до многу други меѓународни пазари. „Star“ има 58 канали на осум јазици во Индија, додека „Sky“ е една од најголемите европски компании за платена телевизија. „Comcast“, исто така, може да го купи уделот на „Fox“ во онлајн услугата „Hulu TV“, и двојно да ја зголеми својата сопственост на 60%. „Disney“ и „Time Warner Inc.“ исто така поседуваат дел од „Hulu“.
Бидејќи го купи „NBCUniversal“ во 2011-та година, „Comcast“ продолжува доследно да го надополнува својот имот во забавниот бизнис. Таа го купи „DreamWorks Animation SKG Inc.“ во 2016-та година за 3,8 милијарди американски долари и купи малцински удел во „Amblin Partners“ на Стивен Спилберг претходно во оваа година. „Universal“ има високо оценети франшизи, како „Брзи и бесни“, „Мињони“ и хорор филмовите на Џејсон Блум како овогодинешниот хит „Излез“.
