„Samsung Electronics“ соопшти дека ќе инвестира 75 милиони евра во австриската компанија „TTTech“, со седиште во Виена.
Оваа компанија се занимава со развивање на технологијата за автономно возење и безбедно управување за автомобилите Audi и други производители.
Новото инвестирање на „Samsung“ во секторот за автономни возила доаѓа откако јужнокорејската компанија ја заврши аквизицијата на „Harman“, кој се занимава со производство на автомобилски навигациони системи и технологија за комуникација на возилата едно со другo, како и со инфраструктура, известува агенцијата АП.
„Samsung“ исто така најави дека во „Harman“ основал деловна единица за надзор на автономното возење.
„Инвестирањето на Samsung во „TTTech“ е прво од фондот вреден 300 милиони долари, кој е наменет за развој на неговата технологија за автономно возење. Од компанијата велат дека фондот ќе инвестира и во автомобилски стартапи.
„Samsung“ е најголем производител на мемориски чипови и паметни телефони во светот.
Компанијата не произвeдува возила ниту поседува автомобилска компанија, но доби дозвола за бизнис во секторот на самовозечки автомобили во Јужна Кореја и Калифорнија за тестирање на софтер и хардвер за автономните автомобили.
