Кинескиот гигант „Geely“ очекува да го финализира договорот за купување на малезискиот производител на автомобили „Proton“, кој е сопственик на британскиот бренд „Lotus“, до крајот на месецот.
Најновите информации велат дека цената е 65 милиони долари.
Според многу аналитичари, доаѓањето на новиот сопственик ќе има одлично влијание врз „Lotus“, бидејќи „Geely“ веќе се докажал со „Volvo“ дека тие се способни да управуваат со западни компании.
„Geely“ го купи „Volvo“ во 2010-та година, под услов на неопходна инвестиција за заживување на компанијата и да ги задржи инженерите и дизајнерите кои ги поставија темелите за сегашната серија на успешни модели на брендот. Се претпоставува дека истиот пристап ќе се примени на „Lotus“.
Во исто време, „Lotus“ може да обезбеди и технолошки и инженерски концепти што ќе ги користат другите брендови под капата на „Geely“, како што се лесната шасија, дизајнот на куќиштето и електричниот погон. „Lotus“ развива самонасочен бизнис во оваа област преку советување на големите автомобилски компании за намалување на тежината на нивните модели, прилагодувајќи ја суспензијата и подобрувањето на аеродинамиката.
Со парите на „Geely“, „Lotus“, ќе го замени моделот и ќе може да понуди целосно електричен модел на пазарот. Во изминатата година, „Lotus“ оствари профит, иако скромен, бидејќи постојано лансираше голем број на специјални серии на веќе застарените модели, кои, сепак, уживаат голем интерес од симпатизерите на брендот.
