Американскиот синџир за кафе „Starbucks“ може да „удри на камен“ со својот план да ги затвори сите 379 локали за чај на „Teavana“ во САД до пролетта 2018-та година, соопшти „CNBC“.
„Simon Property Group“, најголемиот оператор на трговски центар во САД, поднесе тужба минатиот месец, тврдејќи дека со затворањето на локациите „Teavana“, „Starbucks“ го прекрши договорот за закуп со компанијата, посочува „The Indianapolis Star“.
Од „Simon“ во своето тврдење велат дека „Starbucks“ ја става цената на своите акции над своите договорни обврски, одржливоста на „Simon“ и неговите трговски центри, други трговци и клиенти кои се потпираат на продавниците на „Teavana“, вели „Indy Star“.
„Starbucks“ одлучи да ги затвори локациите на „Teavana“ бидејќи негативно влијаат на резултатите, при што најмалку 350 куќи за чај се соочуваат со помал сообраќај. Околу 78 од овие локации се наоѓаат во трговските центри на „Simon“.
„„Starbucks“ не тврди дека „Simon“ прекршил некаков договор (договорот за изнајмување) или дека „Starbucks“ не може да опстане ако продолжи да ги одржи ветувањата за изнајмување на локациите во трговските центри на „Simon“, вели тој. „Наместо тоа, „Starbucks“ само верува дека може да заработи повеќе пари ако ги скрши договори за изнајмување, отколку што тоа го прави ако ги исполнува договорените ветувања и обврски“.
Операторот на трговскиот центар сега сака прелиминарна и трајна забрана за запирање на ланецот на кафулиња од затворање на куќите за чај пред истекот на договорите за закуп.
Од „Simon“ не одговорија веднаш на барањето на „CNBC“ за коментар. Сепак, од „Starbucks“ рекоа дека „подготвуваат одговор на барањето и работат на решавање на овој спор“.
