„Toshiba“, јапонскиот конгломерат, не успеа да постигне договор за продажба на својот бизнис со чипови во рокот кој ќе се истече навреме. Со тоа компанијата предизвика сомневања дали може да ја пополни дупката во билансот навреме за да избегне отпишување од берзата и да го задржи на својот бизнис со чипови конкурентен, коментира „Ројтерс“.
Одборот на јапонскиот конгломерат се сретна денеска за да ги види понудите за 17 милијарди долари упатени од конзорциумот предводен од „Western Digital“, како и од две групи, предводени од „Bain Capital“ и од тајванската „Foxconn“.
„Toshiba“ рече дека продолжува со разговорите со сите кандидати и не одлучи да го намали нивниот број.
„„Toshiba“ има намера да ги продолжи преговорите со потенцијалните кандидати за постигнување на конечен договор што ги исполнува целите на „Toshiba“ што е можно поскоро“, се вели во соопштението.
Запознаени извори коментираат дека разговорите со „Western Digital“ се во финалната фаза, но двете страни се соочуваат со тешкотии со постигнување на договор за идниот удел на американската компанија во бизнисот.
Ситуацијата ја компликува, „Bain Capital“ кој повторно поднесе понуда за околу 18 милијарди долари во последната минута, привлекувајќи ја поддршката на „Apple“ за да го зајакне својот предлог, соопштија запознаени извори.
„Foxconn“, тајландскиот производител на електроника, исто така, достави понуда.
Јапонскиот конгломерат се обидува да ја продаде својата единица за чипови веќе со месеци за да ги покрие милијарди долари во својот нуклеарен бизнис „Westinghouse“.
Висок банкарски претставник запознат со разговорите, вели дека „Toshiba“ сепак најверојатно ќе склучи договор со „Western Digital“, бидејќи жалбите од американската компанија – партнер на „Toshiba“ во бизнисот со чипови, создаваат тешкотии да прифатат која и да е друга понуда.
Доколку договорот не е постигнат наскоро, „Toshiba“ не може да ги добие потребните регулаторни одобренија до крајот на финансиската година во март.
Без нив таа ќе треба да објави негативна нето вредност веќе втора година по ред и да се соочи со потенцијално отпишување од берзата – удар за акционерите и најверојатно за трошоците за финансирање на групата.
