Енди Мареј, првиот светски рекет, поради повреда на колкот го откажа учеството на мастерс турнирот во Монтреал, кој ќе се игра во текот на наредната недела.
Мареј е четвртиот тенисер, од првите шест на АТП листата, кој го откажа учеството во Монтреал. Претходно тоа го сторија Новак Ѓоковиќ, Стан Вавринка и Марин Чилиќ.
Поради откажувањето на Мареј, прв носител во Монтреал ќе биде Рафаел Надал, кој, во зависност од резултатот, може да се искачи на првата позиција на АТП листата.