Енергетската поделба на управувана од Ворен Бафет – „Berkshire Hathaway Inc.“ е блиску до договор за купување на „Oncor Electric Delivery Company LLC“, која ќе и овозможи на енергетската компанија да излезе од 3-годишна процедура за банкрот.
Зделката сепак треба да биде одобрена од страна на регулаторните органи во Тексас кои ги одбија претходните предлози за купување на „Oncor“.
До овој момент Бафет оствари загуби од 873 милиони долари од вложувањата во обврзници на компанијата мајка на „Oncor“ – „Energy Future Holdings“. Токму „Oncor“ е дел во импреријата на „Energy Future Holdings“, која е една од најголемите банкротирани компании во историјата.
Според извори на „The Wall Street Journal“, договорот може да биде прогласена уште денес, а се очекува тој да изнесува 17,5 милијарди долари. Со својата енергетска мрежа, „Oncor“ испорачува струја на над 10 милиони корисници во Тексас.
Ова ќе е третото најголемо стекнување на „Berkshire Hathaway“. На челото на трансакциите се „Precision Castparts“ и „Burlington Northern Santa Fe“, односно производство на челични делови за воената индустрија и вселенскиот сектор и железничка компанија купени за 37 и 27 милијарди долари.
Бафет учествува и во купувањето на светски познатата компанија за производство на кечап – „H.J. Heinz Company“, но тој вложи само 12 милијарди долари од износот на трансакцијата, кој е 28 милијарди долари.
Претходно оваа година Бафет, заедно со „3G Capital“, не успеа во обидот да го купи „Unilever“ за импресивни 143 милијарди долари.
