Maserati GranTurismo и GranCabrio зa 2018-та (фото+видео)

Италијанскиот производител уште еднаш ги освежи своите два спортски модели кои се наоѓаат на пазарот веќе цела деценија.

Стилските промени се дискретни иако актуелните „GranTurismo“ и „GranCabrio“ во продажба уште од 2007-ма година.

Дизајнот на надворешноста е инспириран од преубавиот концепт „Alfieri“ кој „Maserati“ го претстави пред неколку години, но кој и натаму не доби своја продукциска верзија.

Најголеми сличности со споменатото концептно возило се забележува на маската на ладилникот на моделите „GranTurismo“ и „GranCabrio“ чии решетки се обликувани по примерот на шестаголната маска на „Alfieri“.

Покрај тоа, редизајниран е и целиот преден и заден браник.

Големо внимание при редизајнот, „Maserati“ посвети на внатрешноста на возилото. Купувачите на располагање ќе имаат модерен мултимедијален систем со 8,4 инчен екран чуствителен на допир и „Android Auto“ и „Apple CarPlay“ функции кои обезбедуваат поврзување на овој уред со смартфон.

Исто така, извршени се корекции на дизајно на централната конзола на автомобилите, а во понудата е и луксузните „Poltron Frau“ кожни седишта.

Под хаубата на двата модели се наоѓа атмосферскиот 4,7-литарски V8 мотор од постарата школа на погонски агрегати чиј звук претставува музика за уши за вистинските љубители во спортските автомобили.

Моторот произведува 460 ks при 7.000 o/min и развива максимален вртежен момент од 520 Nm при 4.750 o/min.