Рускиот нафтен концерн „Роснефт“ ќе оперира веќе целосно самостојно со бизнисот со рафинерии во Германија.
Поделбата на заедничкото претпријатие „Ruhr Oel“ со британскиот гигант „BP“ веќе постои една и пол година, објави во соопштението „Роснефт“. Руската компанија ќе создаде специјална подружница за бизнис во најголемата европска економија – „Rosneft Deutschland“, пренесува „Ројтерс“.
Во 2011-та година, Русите добија 50 отсто во „Ruhr Oel“, најголемиот преработувач на нафта во Германија. Сега „Роснефт“ и „BP“ ќе ги споделат инвестициите во рафинирањето во Германија. На овој начин „Роснефт“ ќе држи 12% од германскиот бизнис со рафинерии и со капацитет за пренос на 12,5 милиони тони годишно и ќе биде третата по големина компанија во секторот.
„Роснефт“ ќе стане и директен акционер во рафинеријата „Bayernoil“, зголемувајќи го уделот од 12,5 отсто до 25 отсто. Рускиот концерн ќе го зголеми и уделот во рафинеријата „MiRO“ од сегашните 12 отсто до 24 отсто, како и учеството во трета рафинерија – „PCK“ до 54,17 отсто од сегашните 35,42 отсто.
За делот во општото друштво, „BP“ ќе преземе 100% контрола над рафинеријата во Гелзенкирхен и во „DHC Solvent Chemie“.
