Американскиот финансиски регулатор ја казни швајцарската банка „Credit Suisse“ со 16,5 милиони долари поради слабата контрола во областа на спречување на перењето пари.
САД го казнуваат швајцарскиот гигант: Големи пропусти…
„Големата швајцарска банка е обвинета за низа пропусти и грешки во нејзиниот систем за идентификување на трансакциите кои би можеле да бидат поврзани со незаконските активности“, соопшти американската Управа за регулирање на финансиската индустрија (FINRA), а пренесува агенцијата Франс прес.
FINRA утврди дека во траење од две години, поточно од јануари 2011 до 2013 година пресоналот на „Credit Suisse“ не ги пријавувало сомнителните активности и тргувања, а тоа било нивна обврска.
Освен тоа од 2011 до 2015 година, „Credit Suisse“ не успеал адекватно да го имплементира автоматизираниот систем за надзор, се наведува во соопштението на FINRA.