„China Telecom Corp.“ објави дека добивката за првите шест месеци од година е над очекувањата на аналитичарите, откако компанијата објави дека е зголемен бројот на клиенти на високо-брзинската безжична мрежа, пишува „Bloomberg“.
Нето добивката се зголемува до 11,7 милијарди јуани (1,8 милијарди долари) од 11 милијарди јуани пред една година. Резултатот ги надмина предвидувањата од 11,3 милијарди јуани од четворицата аналитичари ангажирани од страна на агенцијата.
Оперативните приходи се со 7,2% повеќе до 176,8 милијарди јуани.
„China Telecom“ регистрира речиси 32 милиони претплатници на 4G услугата во текот на првото полугодие.
Најголемиот интернет провајдер во земјата се потпира повеќе на обезбедување на безжични услуги, за да ја засени зголемената конкуренција од поголемиот конкурент кај мобилните апарати „China Mobile Ltd“.
Раководството на „China Telecom“ одлучи да не распределува средна дивиденда, за да задржи „адекватна флексибилност за финансирање“.