Во продавниците на Икеа ширум Европа од август ќе се најде во продажба и SLADDA велосипедот, прв велосипед на овој трговски гигант.
Велосипедот што е осмислен во унисекс варијанта го потпишуваат дизајнерите Оскар Јухлин, Жан Пуранен и Кристијан Еке, наменет е за возрасни и деца постари од 12 години, а доаѓа во бела боја, препознатлив минималистички дизајн и без стандарден ланец.
SLADDA, што во превод на шведски значи “да лизга“, е наменет за урбано возење, а покрај алуминиумската рамка доаѓа и гаранција од дури 25 години. Веќе го освои Red Dot Design, а може да се прилагоди на сопствените потреби со купување на кошница или мини приколка.
Во земјите во кои веќе се продава, цената се движи од 499 евра за членовите на Ikea Family програмата на верност, до 750 евра.