Германскиот банкарски Deutsche Bank денес информираше за остар пад на нето добивката во вториот квартал, и тоа за 98 отсто, што се припишува во прв ред на слабата економска клима и сложеното реструктуирање, па предупреди и на можни нови кастрења во работењето.
Нето добивката во ова тримесечје од април до јуни потонала за речиси 98 отсто во споредба со истиот период минатата година, на 20 милиони евра, покажа објавениот деловен извештај. Аналитичарите, пак, во просек очекуваа нето добивка од 105 милиони евра.
Приходите на Deutsche Bank во наведениот период се намалени за речиси 20 отсто, на 7,4 милијарди евра. Притоа, приходите во делот на брокерското работење, кои инаку се најголемиот извор на банката, паднале за 28 отсто, а следат одделите за работење со инвестициското банкарство и управувањето со имотот, со пад на приходите од 12 односно 11 отсто.
„Нашите резултати покажуваат дека минуваме низ континуирано реструктуирање“, вели во соопштението извршниот директор, Јохн Крјан и додава дека е задоволен од постигнатиот напредок.
Меѓутоа, тој исто така предупредува дека „доколку продолжи актуелното слабо економско опкружување, ќе треба да бидеме уште поамбициозни во поглед на временската рамка и интензитетот на нашето реструктуирање“.
Крјан се осврнува и на неодамнешната британска одлука за напуштање на Европската унија, истакнувајќи дека очекуваат дека ќе имаат полза од тоа.
„Се случи, што е помалку бизарно, дека имаме своевидно конкурентска предност (поради Brexit)“, вели директорот Крјан и додава дека одговорот на Deutsche Bank ќе зависи од побарувачката на клиентите. „Доколку клиентите во еврозоната засилено сакаат со нив да се соочуваме од локации во земјите во рамките на еврозоната, тогаш сме позиционирани“.
