Американската агробизнис компанија „Monsanto“ ја одби понудата од германскиот фармацевтски гигант „Bayer“ за преземање, вредна 62 милијарди долари.
„Monsanto“ ја оцени оваа понуда за „финансиски несоодветна“.
„Monsanto“ сепак, порача дека е подготвен да учестува во понатамошните преговори за спојување на двете компании, пренесува АФП.
Одборот на „Monsanto“, како што тврди таа компанија, „едногласно гледа на предлогот од „Bayer“ како на нецелосен и финансиски несоодветен“.
Одборот сепак, е „отворен за продолжување на конструктивните разговори со цел да се процени дали таа трансакција, која е во најдобар интерес за акционерите на „Monsanto“, може да биде постигната, наведе компанијата.
