На апенинскиот полуостров на големо се шпекулира дека претседателот на Интер, Масимо Морати наскоро би можел да се ослободи од 49 проценти од акциите кои ги поседува во клубот.
Како најсериозен кандидат за пакетот е еден од поголемите европски инвестициски фондови, чие име не се спомнува. Морати е подготвен да пристапи кон овој потег поради финансиските проблеми со кои се соочува Интер во последните месеци.
Бизнисменот се обиде да продаде акции уште во 2012-та година, а тогаш Морати изјави дека евентуалната зделка би им помогнала на „нероазурите“ да се справат со правилата за финансискиот ферплеј.