Производителот на луксузна долна облека „Victoria’s Secret“ го скратува бројот на вработени и го реструктуира бизнисот, за да го насочи фокусот главно во т.н. генерација Милениум (родените меѓу 1980-тите и почетокот на новиот век), објави „CNNMoney“.
Од компанијата изјавија дека ќе се преструктурираат во три бизнис единици: „Victoria’s Secret Lingerie“, „Victoria’s Secret Beauty“ и „PINK“.
Компанијата, која има над 3.000 продавници во САД, Велика Британија и Канада, изјави дека ќе отпушти 200 соработници во Њујорк и во Колумбус, Охајо.
Компанијата мајка „L Brands“ рече уште дека нејзиниот нето профит е зголемен за 5%, а продажбата од продавниците отворени од над година, се зголемени за 3% во петте недели до 2-ри април во однос на истиот период минатата година.
Од компанијата изјавија дека ќе интегрираат бизнис „како главен дигитален канал“ да „одговара на начинот на кој корисниците се поврзуваат со марките“.
„L Brands“ засега не соопштува како тоа ќе влијае на судбината на познатиот каталог, кој досега вклучуваше модели како Џиџи Адид, Адриана Лима и Летиција Каста.
