Финансискиот резултат за АД – то за период 01.01.2015 – 31.12.2015 е загуба во износ од 25.104 илјади денари наспроти 118.423 илјади денари за истиот период од 2014 година, и истиот значи намалување на загубата за 79 %.
АД-то е замислено да функционира како сервис на двата ДООЕЛ-и, во смисла на извршување на комерцијални, финансиски, правни, транспортни, и ИТ услуги. Во овој момент за услугите кои ги извршува за сметка на двата ДООЕЛ-и: „ДООЕЛ Тутун“ и „ДООЕЛ Цигари“ чиј сто процентен оснивач е АД – то, не се фактурира, па согласно тоа АД – то остварува минимални приходи.
Приходи
Приходите кои ги остварува АД-то се главно приходи од наемнина. Имено најголемиот дел од основните средства на групацијата „Тутунски комбинат АД Прилеп“ се наоѓаат во сопственост на АД-то, па најголемиот дел од приходите ги остварува издавајќи ги истите на ДООЕЛ-ите. Од истите причини и амортизацијата како трошок се евидентира во ова друштво.
Споредено со истиот период претходна година, приходите бележат пораст за 49%. Најголемото зафаќање во зголемувањето на приходите се должи на остварените капитални добивки од продажбата на основни средства кои не беа во функција и беа целосно амортизирани, помал дел се остварени приходи од продажба на материјали.
Расходи
Расходите имаат тренд на намалување. Така оперативните расходи за 2015 година изнесуваат 73.460 илјади денари и се намалени за 26% во однос на истиот период 2014 година (99.801 илјади денари), ова пред се, се должи на намалувањето на „Трошоците за вработени“ односно – бројот на вработени.
Оперативна загуба
Како резултат на погоре изнесените, преземени активности зголемувањето на приходите од една страна и намалување на трошоците за вработени од друга страна, оперативната загуба е намалена за 72%.
Финансиски расходи
Расходите по основ на камати во 2015 година изнесуваат 10.216 илјади денари и се помали за 79% во однос на 2014 година. Разликата помеѓу 2014 и 2015 година се однесува на камати по основ на јавни давачки од претходни периоди. Во 2015 година „Тутунски комбинат АД“ редовно ги сервисираше обврските кон државните институции.
