Првиот кросовер на „Seat“ го имаше своето светски деби под рефлекторите на автосаемот во Женева. Моделот се нарекува „Ateca“ и ќе се појави на пазарите во септември оваа година, цените ќе започнуваат под 20.000 евра.
Ривалот на автомобилите како „Kia Sportage“, „Renault Kadjar“ и „Nissan Qashqai“ се обложува на типичниот дизајн за шпанската марка. Надворешноста и внатрешноста силно потсетуваат на хечбекот „Leon“ што не е случајно. „Seat Ateca“ користи голем дел од техниката на „Leon“, вклучувајќи ги моторите и платформата „MQB“ на „VW Group“.
За погонот на „Ateca“ е избран широк спектар на бензински и дизел мотори. Основен е 1,0-литарски мотор со три цилиндри и моќност од 115 КЅ, а над него се 1,4-литарски агрегат со 150 КС и систем за деактивација на два од цилиндрите. Дизел опциите ќе вклучуваат 1.6-литарски „TDI“ со 110 КС и 2.0-литарски „TDI“ со 150 и 190 КС.
Повеќето агрегати се комбинираат со рачна трансмисија со 6 степени, но за најмоќните е предвиден автоматски менувач со две спојки. Основниот погон е на предните тркала, а со доплата е достапен системот за погон на четири тркала „4Drive“.
Опремата на кросоверот вклучува 8-инчен дисплеј, систем за безжично полнење во кабината, технологија за препознавање на сообраќајните знаци, систем за итно сопирање и друго.
Шпанскиот кросовер ќе се појави прво на пазарите на Шпанија и Германија, а во текот на летото и на повеќе пазари ширум Европа.
