Германскиот трговски синџир Lidl има намера во Србија да отвори 20 супермаркети во ова и во следната година, а долгорочно да отвори 100 супермаркети, најавија во средата претставници на Lidl на средбата со српскиот премиер Александар Вучиќ.
Lidl планира да отвори 100 супермаркети во Србија
Првиот малопродажен објект во Србија веќе е изграден во Смедерево, во текот на оваа и следната година ќе бидат изградени уште 20, а во мај 2017 година треба да биде готов и дистрибутивниот центар во Нова Пазова.
После тоа планирано е истовремено да бидат отворени сите малопродажни објекти на германската компанија која во Србија ќе вработува околу 1.000 лица, соопштено е по состанокот на претставниците на Lidl со српскиот премиер.
„Долгорочниот план на Lidl е во Србија да отвори сто малопродажни објекти“, изјави директорот на Lidl за Србија, Драган Чигоја