Германски лекар предупредува дека треба да се внимава при користењето на надополнување на витаминот Ц.
„Витаминот Ц е потребен за одбрана на организмот“, рече доктор Клаус Шефер за агенцијата дпа, појаснувајќи дека витаминот помага на стабилноста на келиите на имунолошкиот систем.
Сепак, Шефер советува да не се земаат максималните дозволени количества на надоместокот на витамин Ц, кои се назначени на етикетите на пакувањата. Предупредува дека ризиците од долгорочно земање на максимално дозволените количества не се доволно истражени. Предозирањето со витаминот нанесува штета на бубрезите, ја зголемува киселоста на урината, што може да доведе до создавање на бубрежни каменчиња.
Според него, балансираната исхрана е најдобар начин да се спречи недостатокот на витамин Ц, а продуктите што се богати со него се цитронот, брокулата, пиперката и киселата зелка.
Овошјето и зеленчукот не само што се идеален извор на витамини, туку и содржат хранливи влакна и минерали.
„Поздрави се за организмот и немаат нус појави“, нагласува докторот.
