Англискиот премиерлигаш Ливерпул се согласува да го продаде својот голгетер Луис Суарез на италијанскиот шампион Јувентус, но за сума од 50 милиони евра.
Според некои медиуми кои се повикуваат на свои извори од „Енфилд“, шефовите на „црвените“ нема да се разделат од уругвајскиот репрезентативец за помалку од споменатата сума.
Раководството на Јувентус се надева дека ќе се обидат да го привлечат 26-годишниот фудбалер со тоа што ќе му овозможат следната година да игра во Лигата на шампионите, што најверојатно тоа нема да му се случи доколку остане во Ливерпул.
„Црвените“ заостануваат седум бода зад четвртото место кое води во најелитното натпреварување во Европа, додека пак екипата од Торино е на чекор да ја одбрани титулата во Серија А.