Шведската мултинационална компанија Ikea потпиша договор со кој купи 84.000 квадратни метри земјиште во Љубљана, на просторот на Стоковно-трговскиот центар (BTC), на кој ќе гради прв трговски центар.
Ikea за земјиштето ќе плати над 16 милиони евра без ДДВ, а во изградба на центарот, кој треба да биде готов до 2018 година, ќе вложи 80 милиони евра.
Досегашен сопственик на земјиштето беше одделот за недвижности на осигурителната куќа Triglav, а до потпишување на договор дојде откако Љубљана го промени урбанистичкиот план кој сега овозможува изградба на центар на Ikea, на место кое беше предвидено за изградба на станбена зграда.
