Германскиот автопроизводител „Daimler“ ќе го зголеми минималниот удел од персоналот кој треба да се жени до 15 и 18%. Досега овој удел беше меѓу 12,5 и 15%, соопшти телевизискиот канал „N-tv“, повикувајќи се на Вилфрид Порт, менаџер за „Човекови ресурси“. Непосредно пред Божиќ е доделен релевантниот договор од одборите на компанијата.
„Daimler“ во моментов вработува околу 14,9% жени, а на раководни позиции нивното учество е над 20%. Автопроизводителот сака да има повеќе дами и меѓу вработените, кои се уште се обучуваат.
„Што се однесува до техничката обука, таму сакаме да го зголемиме учеството на жените до 14 и 17%”, вели Порт.
„Општо земено, се вклучи и персоналот кој добива трговска обука, сакаме да поставиме целни коридори меѓу 23 и 27%“, објаснува менаџерот.
„N-tv“ објаснува дека од 1-ви јануари влегува во сила квотата за жени на раководните позиции на 101 јавни претпријатија во Германија. Така на пример во надзорните одбори 30% од членовите треба да се жени, а ако не се најдат соодветни кандидатки, местата треба да останат неисполнети. Сега во 20-члениот надзорен одбор на „Daimler“ има 5 жени.
Новите правила во Германија предвидуваат околу 3500 компании да ги објавуваат своите цели за уделот на жените во одборите и на уште две раководни нивоа. Љубопитна подробност е дека не се предвидуваат санкции за евентуална целна вредност „нула“, забележува „N-tv“.
