Следете ги овие совети за да го избегнете ризикот кој го предизвикуваат сунѓерите за миење на садови...
Околу 90 проценти од сунѓерите за миење садови во домаќинствата содржат голема концентрација на бактерии, а 10 отсто се незадоволителни поради здравствени причини, односно поради болестите кои можат да ги прошират. Факт е дека во сунѓерот за миење садови живеат многу бактерии.
Повеќе од 85 проценти од луѓето не го плакнат сунѓерот на доволно висока температура за да ги убијат бактериите кои се собираат во него, истакнуваат британските експерти од Глобалниот совет за хигиена. Врз основа на нивното истражување, сунѓерите за миење на садови содржат шест пати повеќе бактерии од рачките на вратите од бањите, кои се голем извор на болести и зарази.
Сунѓерите се рај за размножување на бактерии бидејќи постојано се влажни, а тоа е одлична средина за бактериите, истакнуваат експертите.
Околу седум проценти од сунѓерите содржат повеќе од милијарда бактерии, 60 процнети ја содржат опасната Ешерихија коли, а 25 отсто од нив имаат голема концентрација на бактеријата Псеудомонас, која се поврзува со инфекции на очите и кожата.
За да ги избегнете ризиците кои ги носат сунѓерите за миење садови, следете ги овие совети:
– После секое миење на садови, сунѓерот исплакнете го со врела вода, а на секои два дена измијте го со антибактериски детергент.
– Сунѓерот за миење на садови менувајте го на секои две недели.
– Сунѓерот може да го имате и подолго време ако го исперете на температура повисока од 60 степени во машина за миење на садови.
– При миењето на работните површини, наместо сунѓер користете антибактериски марамчиња.
