„Hewlett-Packard“, која пред неколку недели официјално се раздели на две посебни компании, ги објави резултатите од последниот финансиски квартал, додека работеше како една компанија.
Вкупните приходи на компанијата во трите месеци кои завршија на крајот на октомври паднаа за 9,5% во однос на една година претходно, на 25,71 милијарди долари. Истовремено добивката забележа пад за 1,33 отсто на 1,32 милијарди долари.
Најголем пад забележа работењето со печатарите и персоналните компјутери, за 14%, a компанијата најави лоши резултати и за тековниот квартал.
По објавувањето на овие резултати, акциите на „HP Inc.“, која го превзема работењето на „HP“ со печатари и компјутери, паднаа за 16,3%.
