Јапонскиот автомобилски гигант „Toyota“ повторно е најскапата автомобилска марка во светот, станува јасно од објавената годишна оценка „BrandZ Top 100“.
Рангирањето составено од американска консултантска компанија „Millward Brown“, ја проценува јапонската марка на 28,9 милијарди долари, што ја прикажува пред конкурентите „BMW“ и „Mercedes“, проценети на 26,3 милијарди долари и 21,7 милијарди долари.
Во топ 10 најскапи автомобилски брендови оваа година се уште и „Honda“, „Ford“, „Nissan“, „Audi“, „Volkswagen“, „Land Rover“ и „Lexus“.
Од „Millward Brown“ посочуваат дека повеќето автомобилски компании во топ 10 ја зголемија својата вредност во однос на претходната година. „Toyota“ го заработува ова одликување за осми пат во рангирањето, кое се одржува од 2006-та година, па наваму.
„Тоа е единственото истражување во светот, што го мери угледот на компаниите, а се базира на студии спроведени меѓу над два милиони корисници од целиот свет“, делат од „Millward Brown“. Тие појаснуваат дека за лидерската позиција на „Toyota“ улога одиграа голем број фактори, меѓу кои првото место по продажба во светот и серискиот автомобил на водород кој јапонската марка веќе го пушти на пазарот.
