Американската компанија „Гугл“ ќе плати скоро 15 милиони долари бонуси на четворицата свои водечки директори за успешната работа во минатата година.
Компанијата, која е најголемиот интернет пребарувач во светот, објави дека нејзиниот Извршен претседател, Ерик Шмит ќе ја добие највисоката награда од шест милиони долари.
Шмит десет години беше извршен директор на корпорацијата „Гугл“ и пред речиси две години оваа должност му ја предаде на Лери Пејџ. Поголемиот дел од богатството на Шмит е од акциите во „Гугл“. Доколку тој во моментов ги продаде своите 3.2 милиони акции ќе заработи 2.6 милијарди долари.
Ниту Пејџ, а ни другиот ко-сопственик Сергеј Брин нема да добијат бонус за својата работа. Тие обично добиваат плата од „само“ еден долар од 2004-та година, од кога „Гугл“ е на берзата. Тоа е „жртвата“ што тие можат да си ја дозволат, бидејќи секој од нив поседува по 23 милијарди долари.
„Гугл“ ќе му плати и 3.3 милиони долари бонус на својот адвокат, Дејвид Драмонд. Патрик Пичет, главниот финансиски директор во „Гугл“ и Никеш Арора, шефот на компанијата ќе добијат бонуси од по 2.8 милиони долари.