Синдикатот на професионалните фудбалери „ФИФПро“ ја објави листата на петмината голмани, номинирани за № 1 на оваа позиција во 2014-та година.
Скратената листа ги вклучува Мануел Нојер (Баерн и Германија), Клаудио Браво (Барселона и Чиле), Тибо Куртоа (Челзи и Белгија), Икер Касиљас (Реал Мадрид и Шпанија) и Џанлуиџи Буфон (Јувентус и Италија).
Петмината голмани се дел од 55-те фудбалери кои се номинирани меѓу најдобрите на своите позиции за оваа година. Тие ќе го формираат совршениот тим за 2014-та година. Тој ќе вклучува еден голман, четворица дефанзивци, тројца халфови и тројца напаѓачи.
Номинациите за најдобрите дефанзивци ќе бидат објавени на 26-ти ноември (среда), најдобрите халфови на 28-ми ноември (петок), а најдобрите напаѓачи на 1-ви декември (понеделник).
„ФИФПро“ и неговите филијали во различните држави се единствени кои го собираат мислењето на професионалните фудбалери. Нејзините награди се единствените во светот на фудбалот, затоа што се определуваат според гласовите на играчите.
