Еден од најважните „ОЕМ“ партнери на „Apple“ е „Foxconn“. Oваа голема компанија моментално извршува составување на поголем дел од уредите на „Apple“, но во иднина ќе произведува и компоненти.
Според пишувањето на „Wall Street Journal“, „Foxconn“ започна со преговори околу можноста за изградба на погон за производство на екрани за мобилните уреди. Доколку планот се оствари, „Foxconn“ ќе биде во можност да му понуди на „Apple“ и производство на екрани за „iPhone“.
Се претпоставува дека вредноста на инвестицијата ќе биде 5.7 милијарди долари, а дел од неа би требало да ја осигураат локалните власти, наведуваат изворите.
Моментално екраните за „Apple“ ги произведуваат „Samsung“, „Sharp“, „LG Display“ и „Japan Display“.
Екраните воедно се и најскапите компоненти за вградување во уредите, а „Foxconn“ со соединување на производниот процес би можел да го поедностави процесот, а со тоа и да ја намали производната цена на уредите.
