Првите гласини за купувањето на „Google“ на стриминг сервисот „Twitch.tv“ се појавија во мај оваа година, но тие не беа потврдени. Вчера започнаа да кружат нови гласини од страна на извори кои се добро запознаени со таа работа, дека „Google“ веќе го купил „Twitch“ за една милијарда долари.
Ниедна компанија се уште не дала официјален коментар за овие гласини, ако навистина се точни, а „Google“ сега има монопол на стримингот, бидејќи во своја сопственост веќе го има „Youtube“ кој го купи во 2006-та година за 1.65 милијарди долари.
„Twitch.tv“ e убедливо најпопуларниот меѓу стриминг сервисите со 50 милиони активни корисници и дури 1.1 милион членови кои месечно го користат.
Додека компаниите не излезат со соопштение, прерано е да се донесуваат заклучоци, но монополот секако не е добра работа.
