Легендарниот канадски музичар Нил Јанг успеа преку платформата за собирање средства „Kickstarter“ да обезбеди неверојатни 6.2 милиони долари за својот музички плеер „Pono“, кој е во состојба да репродуцира музички фајлови со висок квалитет.
Собраната сума е третата најголема во историјата на „Kickstarter“ и тоа пад паметниот часовник „Pebble“ (10.3 милиони долари) и конзолата за играње „Ouya“ (8.6 милиони долари).
„Во име на „Ponо“, сакам да ви се заблагодарам за тоа што на музиката сега и обезбедивте глас. Помогнавте да започнеме револуција во слушањето музика. Конечно квалитетот доаѓа во прв план и сега можеме да слушнеме и да ја почуствуваме музиката на начинот кој уметникот ја има замислено и како тој ја чувствува и слуша“, вели Јанг.
„Pono“ на хавајски значи „точен, праведен“ и претставува уред во форма на призма во која се сместени музички фајлови во врвен квалитет. „Pono“ ќе чини 399 долари кога во октомври ќе се најде во продажба, а ќе биде достапна и „PonoMusic“, онлајн музичка продавница.
