Не сите натпреварувачи, кои се на Олимпијадата, имаат приходи како Линдзи Вон или Шон Вајт. Всушност, многу од нив едвај собираат пари за подготовки, а многумина мораат да работат обични професии за да се издржат.
Но, кога ќе освојат олимписка титула сепак се се менува. Покрај привлекувањето на потенцијални спонзори, тие ќе имаат и сигурна премија.
Видете какви премии се предвидени за своите медалисти во различни земји:
Естонија – За златен медал државата дава 138.500 долари, за сребро – 96.400 долари, а бронзениот е оценет на 60.000 долари.
Италија – За златен медал 189.800 долари.
Русија – Се очекува оваа земја да има многу медали. За златен медал домаќините плаќаат 113.200 долари, но сигурно ќе има и дополнителни регионални бонуси кои може да се придадат на таа сума.
Швајцарија – Дава 88.600 долари за златен медал.
САД – Износите се мали, само 25.000 долари, но треба да се има предвид дека Американците со освоениот златен медал потоа секогаш добиваат и многу добри спонзорски договори.
Латвија – Оваа земја плаќа 192.800 долари.
Малезија – Тие ветија за златниот медал солидно блокче злато од рудникот во Куала Лампур во вредност од 600.000 долари! За жал ниту еден спортист не се квалификуваше за Олимпијадата, а земјата нема златен медал од 1956-та година.
Велика Британија – Интересно е дека оваа земја не плаќа премија за златен медал. „Веруваме дека желбата да се претставува својата татковина е доволна мотивација за нашите спортисти“, велат од Британската Федерација. Најдобрите британски спортисти сепак имаат одлични услови за подготовка и плаќање, а ако станат шампиони им следуваат и солидни спонзорски договори.
