Раководството на Борусија Дортмунд објави цена од 40 милиони фунти за трансфер целта број еден на Манчестер Јунајтед – Марко Ројс. Клаузулата за ослободување на полудефанзивецот од германскиот клуб е во износ од 29,4 милиони фунти, но „црвените ѓаволи“ ќе мораат да платат далеку повеќе , ако сакаат да го имаат халфот во своите редови.
Според информациите, договорот на Ројс е променет, откако Баерн Минхен ја активира високата клаузула за привлекување на Марио Гетце во текот на летото.
Менаџерот на Јунајтед, Дејвид Мојс неодамна изјави дека ќе бара квалитетни засилувања на секоја позиција. Во моментов, сепак не е познато со какви финансии ќе располага Шкотланѓанецот во зимскиот трансфер прозорец кој се отвора на 1-ви јануари.