„Google“ ја купи компанијата „Bump“ зад која стојат неколку технологии за споделување на податоци помеѓу уредите.
Најдобрата карактеристика на нејзината истоимена апликација „Bump“ за „Android“ и „iOS“ уредите овозможува размена на фотографии, датотеки и контакти.
Оваа aпликација беше лансирана уште во 2009 година и до сега има повеќе од 60 милиони превземања, но таа никогаш не го достигна посакуваниот успех.
Сумата која ја платил „Google“ сеуште не е обелоденета, но се претпоставува дека е помеѓу 30 и 60 милиони долари.
Најверојатно „Bump“ ќе доаѓа со „Android OS“, а постои можност да биде интегриран и во сервисите на „Google“ како „Chrome“ и „Google+“.
На овој начин, „Android“ корисниците би имале можност да ги споделуваат своите датотеки преку „Bump“, што за „Google“ e прилично интересно, бидејќи конкурентoт „Apple“ има слична апликација „AirDrop“ која е дел од „iOS 7“.