Шпанецот Рафаел Надал по вторпат во својата кариера победи на Отвореното тениско првенство на САД, откако ноќеска во финалето го победи Новак Ѓоковиќ од Србија со 3:1 во сетови (6:2, 3:6, 6:4, 6:1).
Ова за Надал е вкупно 13.та Грен слем титула во кариерата.
Шпанскиот тенисер го играше третото финале во Њујорк, а претходно победи во 2010 година.
Ѓоковиќ остана само со еден триумф во 2011 година на терените на „Флешинг Медоу“, а по петтипат беше финалист.
Првиот сет Надал го доби со 6:2, а потоа Ѓоковиќ изедначи на 1:1 добивајќи го сетот со 6:3. Во третиот сет до 4:4 беше нерешено, а потоа Надал ги доби двата гема во серија за водство од 2:1 во сетови. Шпанецот беше убедлив во четвртиот сет во кој поведе со 3:0, а сетот го доби со 6:1.
Во меѓусебните дуели сега билансот е 22:15 за Надал.