Грција има речиси 800.000 невработени, a во последната година невработеноста е зголемена за девет проценти.
Грчките медиуми кои ги пренесуваат последните податоци, велат дека во земјата се регистрирани вкупно 797.578 невработени лица.
Жените сочинуваат 57 проценти од невработените, додека една четвртина од лицата без работа се помладите од 30 години.
Грција беше погодена од тешка финансиска криза, која предизвика голем број на отпуштања на работниците, особено од јавниот сектор.
