Во најтесниот избор на кандидати за престижната титула „најдобар автомобили во светот за 2018-та“ се најдоа дури три „SUV“ модели.
За титулата „Светски автомобил на годината“ (World Car of the Year) ќе се натпреваруваат:
Mazda CX-5,
Range Rover Velar,
Volvo XC60.
Имињата на финалистите беа соопштени на актуелниот саем за автомобили во Женева, а победникот ќе биде познат на 28-ми март на саемот во Њујорк.
Потсетуваме, на почетокот на оваа недела, прет отворањето на женевскиот авто-саем, беше прогласен „Европскиот автомобил за годината“. Титулата му припадна исто така на едно „SUV“ возило – победник беше „Volvo XC40“.
Инаку, во Њујорк ќе биде ќе бидат прогласени победници и во уште неколку категории.
За „најлуксузен автомобил“ за годината во светот конкурираат: „Audi A8“, „Porsche Cayenne“ и „Porsche Panamera“.
Во потесниот круг за „најдобриот спортски автомобил“ за титулата ќе се „борат“: „BMW M5“, „Honda Civic Type R“ и „Lexus LC 500“.
Во категоријата „најдобар градски автомобил“ во оваа година финалисти се: „Ford Fiesta“, „Suzuki Swift“ и „Volkswagen Polo“.
За титулата „најзелен“ автомобил во светот ќе се натпреваруваат: „plug-in hibrid BMW 530e iPerformance“, „Chrysler Pacifica Hybrid“ и електричниот „Nissan Leaf“.
Во последната категорија, во која се доделува титулата за „најдобро дизајниран автомобил“ во 2018-та, финалисти се: „Lexus LC 500“, „Range Rover Velar“ и „Volvo XC60“.
За победниците ќе одлучува стручно жири од 82 членови, а имињата на наградените ќе бидат познати на 28-ми март.
Најдобриот автомобил во светот за 2017-та исто така беше еден „SUV“ – „Jaguar F-Pace“.
