Денес официјално беше потпишан договор помеѓу НЛБ д.д. Љубљана и НЛБ Банка АД Скопје, како продавачи и компанијата Сава Ре д.д. Љубљана, како купувач на 100% од акциите во НЛБ Нов пензиски фонд АД Скопје.
Потпишувањето на договорот за продажба го комплетира процесот на продажбата, започнат од НЛБ д.д. Љубљана и НЛБ Банка АД Скопје на 17-ти Март, 2017 година.
За целосна реализација на договорот и финализација на самата трансакција ќе биде потребно најпрво да се добијат сите потребни законски согласности од регулаторот МАПАС и други соодветни надлежни институции.
Купувачот Сава Ре д.д. Љубљана, Словенија е компанија од областа на осигурителниот бизнис добро позната на балканските простори.
“Сепак, Република Македонија останува еден од стратешките пазари на НЛБ Групацијата. НЛБ Банка АД Скопје е една од најголемите и најзначајните банки во НЛБ Групацијата и во иднина, со понатамошен развој на бизнисот, НЛБ Групацијата уште повеќе ќе го зголеми обемот на своето работење во Република Македонија”, велат од НЛБ.
