„TrueDepth“ системот на камери на „Apple“ му овозможува работа на „3D“ системот за препознање на лица, „Face ID“, и тоа е нешто што ниту еден „Android“ уред го има во својот асортиман, но тоа би можело наскоро да се промени. Затоа што како што дознаваме, некои производители на „Android“ телефони веќе размислуваат за „3D“ сензор на своите претстојни телефони.
„Digitimes“ наведува дека се повеќе „Android“ производители како што се „Huawei“, „Oppo“ и „Xiaomi“ сакаат да ги обезбедат неопходните компоненти за „3D“ сензори, кои би требало да ги обезбедат „Largan Precision“, „Sunny Optical“, „Orbbec“ и „Himax Technologies“.
Претходни извештаи наведуваат дека „Largan“ работи на развивање на компоненти за изработка на „3D“ сензори за камери, што би можело на „Apple“ да му ги обезбеди неопходните количини од своите „True Depth“ камери. Покрај „iPhone“ уредите, „Apple“ планира „Face ID“ технологијата да ја постави и на свои други уреди, како што е таблетот „iPad“ и звучникот „HomePod“.
За жал, овој извештај ги спомнува само кинеските производители, а не споменува други големи имиња од индустријата, како што се „Samsung“, „LG“, „HTC“ и „Google“. Имајќи ги во предност околностите, голема е веројатноста и другите производители да работат токму на оваа технологија, а претходни извори наведуваат дека „Samsung“ работи на своја интеграција на „Face ID“ технологијата.
„Face ID“ се покажа како одлична замена на „Touch ID“ функцијата на „iPhone X“ телефонот, па така ваков потег од страна на „Android“ производителите воопшто не е изненадувачки.
