Интервјуто за работа е ситуација за која треба добро да се подготвите, а добрите совети понекогаш не се доволни.
Лоу Адлер, автор на книгата „The Essential Guide for Hiring & Getting Hired“ објави корисен текст во кој ги наведува петте совети кои би требало да ги примените при интервјуто за работа.
– Престанете да наведувате општи факти за себе, како „добро ги решавам проблемите“ или „јас сум вистинскиот тимски играч“. Таквите општи изјави се забораваат и игнорираат. Лицето кое ве интервјуира повеќе го интересираат конкретни примери врз чија основа може да ги оцени вашите способности.
– Никогаш не зборувајте дека немате слабости. Сите имаат слабости. Ако отворено ги признаете вашите слаби страни, тоа говори дека имате волја да се поправите и усовршите.
– На прашањата не одговарајте ни предолго ни прекратко. На интервјуто не ве оценуваат само врз основа на квалитетот на содржината туку и според квалитетот на презентацијата. Најдобри се одговорите кои траат околу една минута. Пократките одговори сугериираат дека ви недостасува способност, интерес, додека предолгите одговори ќе го заморат слушателот.
– Не поставувајте веднаш прашања за погодностите и уловите на работа бидејќи така ќе оставите негативен впечаток. Лицето кое ве интервјуира може погрешно да ве разбере и да заклучи дека се грижите само за она што ќе го добиете а не за тоа како ќе работите.
– За време на разговорот за работа не гледајте во својата биографија. Тоа може да биде знак дека сте нервозни или дека вашата приказна не е точна па само го читате напишаното што претходно сте го измислиле. Вашиот соговорник од вас очекува досегашното искуство да го знаете напамет.
