Јапонската технолошка компанија „Nintendo“ беше во можност да ја предводи индустријата за видео игри по продажба на хардвер во септември. Ова е ветувачки знак за она што може да се очекува од сезоната на Божиќ, пишува „TechCrunch“.
„Nintendo Switch“ и помогна на компанијата да го постигне тоа, така што стана најпродаваната конзола во индустријата веќе трет месец. Конзолата е на пазарот седум месеци и во пет од нив е најдобро продаваната во целата индустрија.
Продажбата на „Switch“ во САД веќе достигна над 2 милиони примероци, што е многу добро, со оглед дека „Wii U“ продаде 6,23 милиони примероци во Северна Америка за целиот период од пуштањето, па досега.
Успехот на „Nintendo Switch“ беше дополнет и од тековната продажба на „3DS“ уредот, како и на оние на системот „Super NES Classic Edition“.
„Nintendo Switch“ е насочена кон претставување на „high-end“ софтверски премиери кои можат да им помогнат да привлечат поголемо внимание на корисниците. Меѓу новите наслови е „Super Mario Odyssey”,, која ќе биде објавена на 27-ми октомври. Се планира издавањето и на „The Elder Scrolls V: Skyrim“, која веќе е шест години, но и понатаму е многу популарна за превземање.
Освен тоа „Nintendo“ токму пушти надградба на софтверот на „Nintendo Switch“ која овозможува пренос на податоци помеѓу конзолни, вклучувајќи сочуван напредок во игрите. Компанијата ја додаде и можноста за преземање и споделување на видео клипови од одредени игри што може да ја зголеми возбудата околу нови наслови од висока класа.
