Ако мислите дека со тоа што канцеларијата ја сметате за „втор дом“ и постојано во буквална смисла прегорувате од работа ќе имате поголем успех, тоа ви е погрешно размислување.
Новите истражувања на Универзитетот во Падова откриваат дека воркохолизмот е штетен и за здравјето на вработени и за нивните достигнувања во работата, затоа оттаму советуваат дека не треба да работите напорно, туку да работите ефикасно.
Зголемувањето на психофизичките напори само ги зголемува шансите да се разболите, а со самото тоа и не сте толку продуктивни на работа иако давате максимален напор.
Исто така, ако работата ја носите дома, и постојано работите прекувремено, се намалуваат шансите да закрепнете од напорниот работен ден, а со тоа се зголемуваат шансите да бидете преморени и во текот на утрешниот ден и така секој нареден ден.
Истражувачите проучувале вработени во една приватна компанија и дошле до заклучок дека ако напорно работите го намалувате ефектот на својата работа, бидејќи не сте во состојба да бидете продуктивни и на највисоко ниво постојано.
