За оние кои не се ранобудници, мислата да бидат вредни во текот на утрото делува одбивно. Но постои рутина од само една минута да го започнете денот како што треба: наместете го креветот.
Се сеќавате како родителите ве тераа како дете да го местите креветот? Веројатно мислевте дека тоа е губење време – ионака се повторно ќе разместите кога ќе си легнете… Сепак, без оглед дали знаеле или не – доброто од оваа задача е далеку поголемо од уредноста.
Во својата книга „Моќта на навиките“ авторот Чарлс Духиг пишува дека местењето на креветот наутро е поврзано со зголемената работа и продуктивноста во текот на денот. „Местењето на креветот нема да предизвика да работите повеќе на работа“, пишува Духиг, „но тоа е клучна навика која може да предивика верижна реакција каде ќе стекнете и други добри навики“.
И тоа не е се, според авторот, луѓето кои ја практикуваат оваа утринска рутина имаат поголема веројатност да живеат во благосостојба и подобро да управуваат со својот буџет. Како што пишува „Psychology Today“ оние кои го местат својот кревет повеќе ја сакаат својата работа, често поседуваат свој стан, вежбаат редовно и се чувствуваат одморено.
Има смисла. Во уредното и организирано опкружување и ние самите се чувствуваме подобро. „Кога просторот ни е среден, средена ни е и главата“, велат многумина, а надредените и колегите често гледаат какво ви е работното биро, бидејќи уредноста на бирото многу говори за вас. Местењето на креветот спаѓа во вистинскитие работни навики, а за нив знеме дека се важни, ако не и клучни за успех во животот.
Таа едноставна навика, која може да се направи за помалку од минута, ќе направи да се чувствувате подобро и попродуктивно пред да го изедете вашиот појадок и да заминете на работа.