На автосамот во Женева во март компанијата „Aston Martin“ најави создавање на нов бренд под кој ќе нудат специјални верзии на своите модели – „AMR“. Првиот автомобил од него веќе е подготвен и тоа е „Vantage AMR“.
Под хаубата на спортскиот автомобил се нудат два вида мотори – 32-вентилски V8 со зафатнина 4,7 литри, кој развива 436 КС, и 48-вентилски V12 со зафатнина од 5,9 литри и моќност од 603 КС. Освен тоа клиентите ќе можат да избираат меѓу купе и роудстер, како и помеѓу 2 вида менувачи – секвенцијален и автоматски со 6 степени (за V8 моторот), и автоматски со 7 брзини (за V12).
За „Vantage AMR“ се предвидени вкупно 5 бои на каросеријата – зелена лимон, сива графит, сина, црна и бела боја. Во зависност од видот на каросеријата, на капакот, покривот и багажникот може да поминуваат констрастни ленти, даваат повеќе спортски изглед на автомобилот. Во нивната боја ќе бидат и сопирачките механизми „Brembo“.
Во кабината на спортскиот автомобил дизајнерите на „Aston Martin“ се обложуваат само на квалитетни и многу скапи материјали – алкантара, природна кожа и карбон елементи.
Верзијата на „Vantage AMR“ со V8 мотор забрзува од 0 до 100 км/ч за 4,8 секунди, а максималната брзина е 305 км/ч. Со V12 под капакот возилото крева 100 км/ч од место за 3,7 секунди и развива до 330 км/ч. Ова се резултатите на купе верзијата, се очекува роудстерот да биде малку побавен.
Новиот модел на Британците ќе излезе во ограничен тираж од 300 примероци, а датумот на почетокот на продажбата се уште не е познат. Цените ќе бидат соопштени само на потенцијалните клиенти по барање од нивна страна.