Интернет страната „Galaxy Club“ пренесува дека новиот премиум уред на „Samsung“, долгоочекуваниот „Galaxy Note 8“, моментално се тестира пред официјалното претставување во септември.
„Galaxy Note 8“ (не треба да се меша со стариот таблет кој имаше исто име), најверојатно се тестира со „Android Nougat“ верзијата, наместо со бета верзијата на „Android 8“. Toа би можело да значи дека уредот ќе биде претставен порано отколку што се очекуваше – можеби дури и во август оваа година.
Исто како „Galaxy S8“ и „S8 Plus“, „Note 8“ би требало да има инфинити екран, двојна камера, процесор „Snapdragon 835“ или „Exynos 8895“, а во зависност од регионот и „стилус“.
