Риека ја прекина доминацијата на Динамо Загреб во хрватското првенство, додека Партизан го презеде фудбалскиот трон од Црвена звезда во шампионатот на Србија.
Риека, со победата над Цибалија 4-0, на коло до крајот на сезоната во Хрватска, стекна недостижна предност од пет бода во однос на Динамо Загреб.
Екипата за која настапуваат Стефан Ристовски и Леонард Жута, ја освои историската прва титула и воедно ја прекина 11-годишната доминација на Динамо.
Во Србија, Партизан со неверојатната серија од 31 натпревар без пораз (28 победи), освои три бода повеќе од Црвена звезда и ја освои 27 титула во клупската историја, шеста од осамостојувањето на Србија.
Партизан во последното коло славеше над Младост со 5:0.