Инвестицискиот гигант „Blackstone Group“ очекува до крајот на јуни да собере 7,5 милијарди евра за својот најнов опортунистички фонд за инвестиции во недвижности во Европа, соопштува интернет изданието „ipe.com“.
„Blackstone Real Estate Partners Europe V“ доби 4,6 милијарди долари во март 2016-та година и се очекува сумата да се удвои во текот на следните недели. Според информации на инвеститорите новите обврски кон Фондот презеле неколку пензиски фондови.
„Blackstone“ веќе има реализирано трансакции со 15% од бираните средства.
Фондот генерира нето внатрешна стапка на враќање од 15,7% до септември 2016-та година.
Една од главните стратегии на „Blackstone“ за новиот фонд ќе биде купување на деловни згради во Лондон и други големи европски градови со повеќе работни места. Компанијата веќе има купено 25 згради во Лондон во рамките на оваа стратегија.
Инвестицискиот гигант продолжува и со инвестициите во проблематични долгови поврзани со секторот на имотите.
