Компанијата „Infiniti“ објави првата фотографија на голем концептен теренец со името „QX80 Monograph“. Тој се јавува како предвесник на следната генерација на „QX80“, а премиерата пред публика ќе се одржи на автосаемот во Њујорк подоцна во овој месец.
Протитипот е развиен од дизајнерско студио на компанијата во Ацуги, Јапонија. Надворешноста на моделот е во стилот на прототипот „QX80 Sport Inspiration“, кој дебитираше во април 2016-та година на саемот во Пекинг. Од „Infiniti“ тврдат дека концептот „Monograph“ покажува каков пат на развивање ќе преземе сегментот на премиум-кросовери на брендот.
Следната генерација на „QX80“ ќе остане без V8 моторот, а неговото место ќе го заземе V6 со турбо, кој сега се наоѓа во седанот „Q50“ и во „Q60“. Во зависност од верзијата на моторот ќе развива 300 или 405 КС.
Сегашниот атмосферски агрегат е со зафатнина од 5,6 литри, а силата му е 405 КС и 560 Нм вртежен момент.
