Лукас Подолски на совршен начин стави крај на репрезентативната кариера, тој во 69.минута го постигна единствениот гол на пријателскиот натпревар помеѓу Германија и Англија.
Лукас Подолски по 130 натпревари и 49 постигнати голови се прости од националниот тим, со кој во 2014 година ја освои светската титула.
Подолски со капитенската лента ја предводеше репрезентацијата до победата над Англија. Тој го постигна единствениот гол на натпреварот, откако по додавањето од Ширле, од 20-тина метри испрати вистински проектил во горниот десен агол на голот кој го бранеше Џо Харт.
